ulaltmak

işlik

1) Gabarasyny, göwrümini artdyrmak.

2) Idedip ösdürmek, ösdürip ýetşdirmek, kemala getirmek.

∙ Göwsümden süýt berip ulaltdym seni. (A. Kekilow, Saýlanan eserler)

∙ Han-ha, allanäme, otyr öýünde, ogluny ulaltmak diňe küýünde. (A. Kekilow, Söýgi)

3) Derejesini wezipesini galdyrmak.

∙ Şeýdip wezipesin ulaltjakmyşyn, Ýaranjaň göwnüni gomaltjakmyşyn. («Tokmak» žurnaly)

4) Üstüne goşmak, köpeltmek, artdyrmak.

∙ Şol sözi ulaldyp aýdany ýadyna gelende, Aýsoltanyň özi hem ýylgyrdy. (B. Kerbabaýew, Aýsoltan)

∙ Ol bolan wakany ulaldyp gürrüň berdi. (A. Gowşudow, Köpetdagyň eteginde)

Ýazuw düzgüni: Soňuna çekimli ses bilen başlanýan goşulmalar ýa-da -ýar goşulmasy goşulanda, t sesi d sesine öwrülýär.

Meselem ulaltmak - ulaldýar, ulaldar, ulaldypdyr.